एसटी महामंडळ आणि कामगारांचे मूलभूत प्रश्न मार्गी लागले पाहिजेत:राज्य शासन एसटी कामगारांच्या पाठिशी खंबीरपणे उभे - उपमुख्यमंत्री अजित पवार
एसटी महामंडळ आणि एसटी कामगारांचे मूलभूत प्रश्न मार्गी लागले पाहिजेत अशी राज्य शासनाची भूमिका आहे. राज्य शासन एसटी कामगारांच्या पाठिशी खंबीरपणे उभे आहे, असे उपमुख्यमंत्री अजित पवार यांनी सांगितले. महाराष्ट्र एस.टी. कामगार संघटनेचे महासचिव हनुमंत ताटे यांच्या अमृतमहोत्सव सोहळ्यात ते बोलत होते. हडपसर येथील विठ्ठल तुपे नाट्यगृहात आयोजित कामगार परिषदेत अनेक मान्यवर उपस्थित होते. यामध्ये उद्योगमंत्री उदय सामंत, महिला आयोगाच्या अध्यक्षा रुपाली चाकणकर, आमदार चेतन तुपे, बापूसाहेब पठारे यांचा समावेश होता. अजित पवार म्हणाले की कोरोना काळात एसटी कर्मचाऱ्यांच्या पगाराचा प्रश्न होता. तेव्हा राज्य शासनाने पुढाकार घेऊन वेतनाची आवश्यक तरतूद केली होती. १९४८ पासून एसटीचा प्रवास सुरू झाला असून 'गाव तेथे एसटी' या ब्रीदवाक्यानुसार सर्वसामान्यांना प्रवास सेवा मिळत आहे. त्यांनी सांगितले की एसटी लोकाभिमुख झाली पाहिजे. प्रवाशांना परवडणाऱ्या दरात सेवा देणे आवश्यक आहे. त्यासाठी कामगारांनीही पुढाकार घ्यावा. राज्यातील शहरांचा विस्तार झाल्यामुळे एसटीच्या मोक्याच्या जागा शहराच्या मध्यवर्ती भागात आल्या आहेत. या ठिकाणी एसटी स्थानकांचा सार्वजनिक-खासगी भागीदारी तत्त्वावर विकास करण्यासाठी नवीन धोरण येत आहे. आधीचे ३०-३०-३० वर्षांचे धोरण बदलून आता ४९-४९ वर्षे असा ९८ वर्षांपर्यंत करार वाढवण्याचे धोरण लवकरच राज्य शासन आणणार आहे. उपमुख्यमंत्र्यांनी सांगितले की सर्वसामान्यांना सेवा पुरवणाऱ्या एसटी बसेस चांगल्या असल्या पाहिजेत. डिझेल खर्च वाचवण्यासाठी इलेक्ट्रिक बसेसला प्रोत्साहन देणे गरजेचे आहे. त्यासाठी केंद्र शासन मोठ्या प्रमाणात अनुदान देत आहे. उद्योगमंत्री उदय सामंत यांनी सांगितले की एसटी कर्मचारी मागण्यांसाठी संप करताना प्रवाशांचाही विचार करतात. पाच वर्षांपूर्वी त्यांच्या मागण्यांसाठी राज्य शासनाने सकारात्मक निर्णय घेऊन ६,५०० रुपयांची वेतनवाढ केली. कामगारांना देशात सर्वाधिक वेतन देणारे आपले एसटी महामंडळ आहे.
एसटी महामंडळ आणि एसटी कामगारांचे मूलभूत प्रश्न मार्गी लागले पाहिजेत अशी राज्य शासनाची भूमिका आहे. राज्य शासन एसटी कामगारांच्या पाठिशी खंबीरपणे उभे आहे, असे उपमुख्यमंत्री अजित पवार यांनी सांगितले. महाराष्ट्र एस.टी. कामगार संघटनेचे महासचिव हनुमंत ताटे यांच्या अमृतमहोत्सव सोहळ्यात ते बोलत होते. हडपसर येथील विठ्ठल तुपे नाट्यगृहात आयोजित कामगार परिषदेत अनेक मान्यवर उपस्थित होते. यामध्ये उद्योगमंत्री उदय सामंत, महिला आयोगाच्या अध्यक्षा रुपाली चाकणकर, आमदार चेतन तुपे, बापूसाहेब पठारे यांचा समावेश होता. अजित पवार म्हणाले की कोरोना काळात एसटी कर्मचाऱ्यांच्या पगाराचा प्रश्न होता. तेव्हा राज्य शासनाने पुढाकार घेऊन वेतनाची आवश्यक तरतूद केली होती. १९४८ पासून एसटीचा प्रवास सुरू झाला असून 'गाव तेथे एसटी' या ब्रीदवाक्यानुसार सर्वसामान्यांना प्रवास सेवा मिळत आहे. त्यांनी सांगितले की एसटी लोकाभिमुख झाली पाहिजे. प्रवाशांना परवडणाऱ्या दरात सेवा देणे आवश्यक आहे. त्यासाठी कामगारांनीही पुढाकार घ्यावा. राज्यातील शहरांचा विस्तार झाल्यामुळे एसटीच्या मोक्याच्या जागा शहराच्या मध्यवर्ती भागात आल्या आहेत. या ठिकाणी एसटी स्थानकांचा सार्वजनिक-खासगी भागीदारी तत्त्वावर विकास करण्यासाठी नवीन धोरण येत आहे. आधीचे ३०-३०-३० वर्षांचे धोरण बदलून आता ४९-४९ वर्षे असा ९८ वर्षांपर्यंत करार वाढवण्याचे धोरण लवकरच राज्य शासन आणणार आहे. उपमुख्यमंत्र्यांनी सांगितले की सर्वसामान्यांना सेवा पुरवणाऱ्या एसटी बसेस चांगल्या असल्या पाहिजेत. डिझेल खर्च वाचवण्यासाठी इलेक्ट्रिक बसेसला प्रोत्साहन देणे गरजेचे आहे. त्यासाठी केंद्र शासन मोठ्या प्रमाणात अनुदान देत आहे. उद्योगमंत्री उदय सामंत यांनी सांगितले की एसटी कर्मचारी मागण्यांसाठी संप करताना प्रवाशांचाही विचार करतात. पाच वर्षांपूर्वी त्यांच्या मागण्यांसाठी राज्य शासनाने सकारात्मक निर्णय घेऊन ६,५०० रुपयांची वेतनवाढ केली. कामगारांना देशात सर्वाधिक वेतन देणारे आपले एसटी महामंडळ आहे.
What's Your Reaction?
