ટ્રમ્પ અલાસ્કામાં પુતિનને મળશે:રશિયાએ 158 વર્ષ પહેલાં USને માત્ર 45 કરોડ રૂપિયામાં વેચી દીધું હતું; રાજસ્થાન કરતાં 5 ગણું મોટું

​​યુક્રેનમાં ચાલી રહેલા યુદ્ધને સમાપ્ત કરવા અંગે ચર્ચા કરવા માટે અમેરિકાના રાષ્ટ્રપતિ ટ્રમ્પ 15 ઓગસ્ટે અલાસ્કામાં રશિયન રાષ્ટ્રપતિ પુતિન સાથે મુલાકાત કરશે. જો આ બંને નેતાઓ વચ્ચેની આ મુલાકાત સફળ રહેશે, તો 3 વર્ષથી ચાલી રહેલા યુક્રેન યુદ્ધનો અંત આવી શકે છે. જો ટ્રમ્પ અને પુતિન મળે છે, તો આ બંને નેતાઓ અમેરિકન ભૂમિ પર પહેલી વાર મળશે. રશિયાએ અગાઉ પુતિન અને ટ્રમ્પની મુલાકાત માટે યુએઈનું સૂચન કર્યું હતું. જોકે, બાદમાં ટ્રમ્પે આ મુલાકાત માટે અલાસ્કાની પસંદગી કરી. ટ્રમ્પની જાહેરાત પછી હવે ચર્ચા શરૂ થઈ ગઈ છે કે આ બંને નેતાઓ ફક્ત અલાસ્કામાં જ કેમ મળી રહ્યા છે? નકશા પર અલાસ્કાનું લોકેશન... અલાસ્કા નજીક રશિયન પરમાણુ શસ્ત્રોનો ડેપો અલાસ્કા રશિયાથી માત્ર 88 કિલોમીટર દૂર છે. અહેવાલો અનુસાર, પુતિન માટે અહીં મળવું વધુ અનુકૂળ હોઈ શકે છે. અલાસ્કાની સૌથી નજીક રશિયન લશ્કરી થાણા લગભગ 80 થી 100 કિલોમીટર દૂર છે. આ થાણા રશિયાના ચુક્ચા સ્વાયત્ત ક્ષેત્રમાં સ્થિત છે, જે બેરિંગ સ્ટ્રેટની પેલે પાર છે. આ પ્રદેશમાં રશિયા પાસે કેટલાક એરપોર્સ બેઝ અને લશ્કરી દેખરેખ મથકો છે, જેમાં પરમાણુ શસ્ત્રો પણ હોઈ શકે છે. અલાસ્કા રાજસ્થાન કરતા 5 ગણું મોટું છે અલાસ્કાનો વિસ્તાર આશરે 17,17,856 ચોરસ કિમી છે જે ભારતના સૌથી મોટા રાજ્ય રાજસ્થાન (342,239 ચોરસ કિમી) કરતા ૫ ગણો મોટો છે. અલાસ્કાને એક સમયે રશિયાનું સ્વર્ગ કહેવામાં આવતું હતું પરંતુ હવે તે અમેરિકાનો એક ભાગ છે. 18મી સદીમાં, રશિયન સામ્રાજ્ય અહીં વસવા લાગ્યું અને ફરના વેપાર માટે ચોકીઓ બનાવી. 125 વર્ષ પછી, 30 માર્ચ 1867ના રોજ, રશિયા અને અમેરિકા વચ્ચે એક કરાર થયો જેમાં રશિયાએ અલાસ્કાને અમેરિકાને 7.2 મિલિયન ડોલર (લગભગ 45 કરોડ રૂપિયા)માં વેચી દીધું. રશિયન વિદેશ મંત્રીએ અલાસ્કા વેચવાનું વિચાર્યું અલાસ્કા વેચવાનો વિચાર તત્કાલીન રશિયન વિદેશ મંત્રી એલેક્ઝાન્ડર મિખાયલોવિચ ગોર્કાકોવના મનમાં આવ્યો હતો. એવું કહેવાય છે કે તત્કાલીન યુએસ રાષ્ટ્રપતિ એન્ડ્રુ જોહ્ન્સને ગોર્કાકોવને તેને વેચવા માટે રાજી કર્યા હતા. આ પછી ગોર્કાકોવે આ પ્રસ્તાવ રશિયન ઝાર એલેક્ઝાન્ડર દ્રિતીય સમક્ષ મૂક્યો, જેને તેમણે સ્વીકારી લીધો. રશિયાની જનતા આ વેચાણની વિરુદ્ધ હોવા છતાં, ઝારે અલાસ્કાને વેચવા માટેના દસ્તાવેજ પર હસ્તાક્ષર કર્યા. બ્રિટિશ કબજાના ડરથી અલાસ્કા વેચાઈ ગયું અલાસ્કા વેચવા પાછળ ઘણા કારણો હતા. તે સમયે રશિયાને ડર હતો કે જો યુદ્ધ થશે તો અમેરિકા બ્રિટનની મદદથી અલાસ્કા પર કબજો કરી શકે છે. તે સમયે રશિયાની આર્થિક સ્થિતિ પણ નબળી હતી અને અલાસ્કા તેમના માટે એટલું મહત્વનું નહોતું. સૌથી મોટું કારણ રશિયાની સરહદની સુરક્ષા હતી, કારણ કે અલાસ્કા એટલો મોટો વિસ્તાર હતો કે ત્યાં મોટી સંખ્યામાં સૈનિકો તહેનાત કરવા મુશ્કેલ હતા. અમેરિકામાં અલાસ્કા ખરીદવું મજાક બન્યું જ્યારે અમેરિકાના વિદેશ મંત્રી વિલિયમ હુઓન સેવાર્ડે અલાસ્કા ખરીદવાની જાહેરાત કરી, ત્યારે કોઈએ તેના પર વિશ્વાસ ન કર્યો. લોકોને વિશ્વાસ ન થયો કે આટલો મોટો જમીનનો ટુકડો ફક્ત 72 લાખ ડોલરમાં ખરીદી શકાય છે. લોકોને એવું પણ લાગતું હતું કે અલાસ્કા એક બર્ફીલો અને નકામો વિસ્તાર છે જેનો કોઈ ફાયદો થશે નહીં. તેથી જ રશિયાએ આ જમીન વેચી દીધી. અમેરિકામાં, આ સોદાની મજાક ઉડાવવામાં આવી હતી અને તેને સેવાર્ડની મૂર્ખાઈ કહેવામાં આવી હતી. ઘણા લોકોએ આ માટે યુએસ રાષ્ટ્રપતિ જોહ્ન્સનને પણ જવાબદાર ઠેરવ્યા હતા અને તેને 'જોહ્ન્સનનું પાગલપણ' ગણાવ્યું હતું. અલાસ્કા વેચ્યા પછી ઝાર એલેક્ઝાન્ડર દ્રિતીયનું મૃત્યુ થયું ઝાર એલેક્ઝાન્ડર દ્રિતીયના મૃત્યુ પાછળનું કારણ અલાસ્કાનું વેચાણ પણ હોવાનું માનવામાં આવે છે. તેમનો જન્મ 7 સપ્ટેમ્બર 1855ના રોજ રશિયામાં થયો હતો અને 2 માર્ચ 1855ના રોજ તેઓ ઝાર બન્યા. ઇતિહાસકારોના મતે, 1867થી તેમના પર અનેક હત્યાના પ્રયાસો થયા હતા, પરંતુ તેઓ બચી ગયા હતા. 13 માર્ચ, 1881ના રોજ સેન્ટ પીટર્સબર્ગના વિન્ટર પેલેસમાં બોમ્બ ફેંકનાર એક હુમલાખોર દ્વારા તેમની હત્યા કરવામાં આવી હતી. રશિયાએ ક્યારેય સત્તાવાર રીતે સ્વીકાર્યું ન હતું કે તેમની હત્યા અલાસ્કાના વેચાણ અંગેના રાજકીય વિવાદોને કારણે થઈ હતી. રશિયાને હજુ પણ અલાસ્કા વેચવાનો અફસોસ છે રશિયાને હજુ પણ આ સોદાનો અફસોસ છે. જ્યારે 2014માં રશિયાએ ક્રિમીઆ પર કબજો કર્યો ત્યારે રશિયામાં ગીતો વગાડવામાં આવ્યા હતા જેમાં કહેવામાં આવ્યું હતું કે રાષ્ટ્રપતિ વ્લાદિમીર પુતિન એક દિવસ અમેરિકા પાસેથી અલાસ્કા પાછું લઈ લેશે. આજે અલાસ્કા તેની કુદરતી સંપત્તિને કારણે અમેરિકાનો એક મોટો ખજાનો માનવામાં આવે છે. અહીં ઓઈલ, સોનું, હીરા અને અન્ય ખનિજ સંપત્તિના વિશાળ ભંડાર છે, જેના કારણે તેને 'અમેરિકાનો ખજાનો' કહેવામાં આવે છે. અમેરિકાની સુરક્ષા માટે અલાસ્કા મહત્વપૂર્ણ છે અમેરિકા માટે અલાસ્કા અત્યંત મહત્વપૂર્ણ છે. તેમાં વિશાળ કુદરતી ગેસ અને પેટ્રોલિયમ સંસાધનો છે, અને ઘણી ઓઈલ ફેક્ટરીઓ પણ અહીં આવેલી છે. અમેરિકા તેના કુલ પેટ્રોલ વપરાશના લગભગ 20 ટકા અલાસ્કામાંથી મેળવે છે. 1950ના દાયકામાં અહીં સોના અને હીરાની ખાણો પણ મળી આવી હતી, જે હવે મોટા પાયે કાર્યરત છે. આ ઉપરાંત, અલાસ્કા માછીમારી અને પર્યટનમાંથી પણ સારી આવક મેળવે છે. દર વર્ષે લાખો પ્રવાસીઓ અહીં મુલાકાત લેવા આવે છે. અલાસ્કાનું ભૌગોલિક સ્થાન પણ અમેરિકા માટે વ્યૂહાત્મક રીતે ખૂબ જ મહત્વપૂર્ણ છે. આ રાજ્ય આર્કટિક ક્ષેત્રમાં આવે છે, જ્યાંથી અમેરિકાને શીત યુદ્ધ દરમિયાન અને આજે પણ વૈશ્વિક સુરક્ષાની દ્રષ્ટિએ ઘણી મદદ મળે છે. ટ્રમ્પ 15 ઓગસ્ટે અલાસ્કામાં પુતિનને મળશે: યુક્રેન યુદ્ધ સમાપ્ત કરવા પર વાતચીત થશે; ઝેલેન્સકીએ કહ્યું - કબજે કરનારાઓને જમીન નહીં આપે અમેરિકાના રાષ્ટ્રપતિ ડોનાલ્ડ ટ્રમ્પ 15 ઓગસ્ટે અલાસ્કામાં રશિયન રાષ્ટ્રપતિ વ્લાદિમીર પુતિન સાથે મુલાકાત કરશે. ટ્રમ્પે શુક્રવારે મોડી રાત્રે સોશિયલ મીડિયા પર પોસ્ટ કરીને આ માહિતી આપી. તેમણે કહ્યું કે આ બેઠકની વિગતો ટૂંક સમયમાં જાહેર કરવામાં આવશે. ટ્રમ્પ પહેલાથી જ કહી ચૂક્યા છે કે તેઓ ટૂંક સમયમાં પુતિનને મળવા માંગે છે અને યુક્રેન યુદ્ધનો અંત લાવવા અંગે ચર્ચા કરવા માંગે છે.