વિજય દેવરકોંડા ED સમક્ષ હાજર થયો:ઓનલાઇન સટ્ટાબાજી ગેમિંગ એપ્સ કેસમાં એક્ટરે પોતાનો પક્ષ રજૂ કર્યો; પ્રકાશ રાજની પણ પૂછપરછ કરાઈ
સાઉથ એક્ટર વિજય દેવરકોંડા બુધવારે સવારે ઓનલાઈન સટ્ટાબાજીની રમતોને પ્રોત્સાહન આપવાના આરોપો અંગે હૈદરાબાદના બશીરબાગ કાર્યાલયમાં એન્ફોર્સમેન્ટ ડિરેક્ટોરેટ (ED) સમક્ષ હાજર થયો હતો. અગાઉ આ જ કેસમાં પીઢ એક્ટર પ્રકાશ રાજની તાજેતરમાં પૂછપરછ થઈ હતી. ED સમક્ષ હાજરી પછી, પ્રકાશ રાજે મીડિયાને સંબોધન કર્યું અને પોતાની સંડોવણી સ્પષ્ટ કરી: 'આ 2016ના સટ્ટા એપ્સના મની લોન્ડરિંગનો કેસ હતો. નૈતિકતાના ધોરણે, મેં આમાં આગળ વધવાનું પસંદ ન કર્યું અને તેમને જાણ કરી કે મને કોઈ પૈસા મળ્યા નથી, કારણ કે હું આવી પ્રવૃત્તિઓથી નફો કમાવા માંગતો નહોતો. અધિકારીઓ તેમની ફરજ બજાવી રહ્યા છે અને એક નાગરિક તરીકે, મેં તેમને પૂરો સહયોગ આપ્યો છે. આમાં કોઈ બદલાની ભાવના કે રાજકીય કારણો સામેલ નથી.' વિજય દેવરકોંડાએ પોતાની વાત સ્પષ્ટ કરી ANIના અહેવાલ મુજબ, ED ઓફિસની બહાર વિજય દેવરકોંડાએ કહ્યું, 'આ 2016માં મેં કરેલા એક કામ વિશે હતું. નૈતિકતાના ધોરણે, મેં તે કામ ચાલુ ન રાખ્યું અને કોઈ પણ પ્રકારનું પેમેન્ટ લીધું નથી. મેં અધિકારીઓને બધી જ જરૂરી માહિતી આપી છે.' તેણે ભારપૂર્વક જણાવ્યું કે, તપાસ યોગ્ય રીતે થઈ હતી અને તેઓ અધિકારીઓના કામનું સન્માન કરે છે. તેણે ઉમેર્યું, 'એક નાગરિક તરીકે, હું માનું છું કે, જ્યારે કાયદો બોલાવે ત્યારે સહકાર આપવો જોઈએ.' સાથે જ તેમણે સ્પષ્ટતા કરી કે આ સમન્સમાં કોઈ રાજકીય હેતુ કે દબાણ સામેલ નહોતું. સમગ્ર મામલો શું છે? આ વર્ષની શરૂઆતમાં આ કેસ ચર્ચામાં આવ્યો, જ્યારે તેલંગાણા પોલીસે 25 જાણીતા સેલિબ્રિટી અને સોશિયલ મીડિયા ઇન્ફ્લુએન્સર સામે FIR દાખલ કરી. જેમાં પ્રખ્યાત કલાકારો રાણા દગ્ગુબાતી અને મંચુ લક્ષ્મીનો પણ સમાવેશ થાય છે. તેમના પર સોશિયલ મીડિયા પ્લેટફોર્મ્સ પર ગેરકાયદેસર સટ્ટાબાજી અને જુગારની એપ્સને પ્રોત્સાહન આપવાનો આરોપ મૂકવામાં આવ્યો હતો. આ કાયદેસરની કાર્યવાહી 19 માર્ચે હૈદરાબાદના મિયાપુર પોલીસ સ્ટેશનમાં બિઝનેસમેન પી.એમ. ફણીન્દ્ર શર્મા દ્વારા દાખલ કરવામાં આવેલી અરજી પરથી શરૂ થઈ હતી. શર્માની ફરિયાદમાં એક ચિંતાજનક વલણ સામે આવ્યું: સેલિબ્રિટીને જુગારના પ્લેટફોર્મ્સના પ્રમોશન માટે મોટા પ્રમાણમાં પૈસા મળતા હતા, જે 1867ના પબ્લિક ગેમ્બલિંગ એક્ટનું ઉલ્લંઘન છે. 32 વર્ષીય બિઝનેસમેને 16 માર્ચના રોજ એક સામુદાયિક ચર્ચા દરમિયાન આ મુદ્દાની ગંભીરતાનો ખ્યાલ આવ્યો, જ્યારે તેમને જાણ થઈ કે ઘણા યુવાનો સેલિબ્રિટીના કહેવાથી આ જુગારની એપ્સમાં પૈસા રોકી રહ્યા છે. આ તપાસ એ વાત પર ધ્યાન કેન્દ્રિત કરે છે કે, સોશિયલ મીડિયા ઇન્ફ્લુએન્સર દ્વારા પ્રમોટ કરવામાં આવેલા આ સટ્ટાબાજીના પ્લેટફોર્મ્સ કેવી રીતે યુઝર્સને તેમની બચતને જુગાર રમવા માટે પ્રોત્સાહિત કરે છે. આ કેસે કાયદાકીય રીતે અસ્પષ્ટ વિસ્તારોમાં કામ કરતી નાણાકીય સેવાઓ અને ઉત્પાદનોને પ્રોત્સાહન આપવા માટે જાહેર વ્યક્તિઓની જવાબદારી પર ધ્યાન દોર્યું છે. EDની તપાસ ચાલુ છે અને તે સેલિબ્રિટીઓ આ સટ્ટાબાજીની એપ્સને પ્રોત્સાહન આપવા માટે કયા હદ સુધી સંડોવાયેલા છે અને મની લોન્ડરિંગના કાયદાનો સંભવિત ભંગ થયો છે કે કેમ, તેની તપાસ કરી રહી છે. આ કેસને કારણે સેલિબ્રિટી પ્રમોશનની નૈતિક અસરો અને જાહેર વર્તન પર તેની અસર વિશે વ્યાપક ચર્ચાઓ શરૂ થઈ છે.
સાઉથ એક્ટર વિજય દેવરકોંડા બુધવારે સવારે ઓનલાઈન સટ્ટાબાજીની રમતોને પ્રોત્સાહન આપવાના આરોપો અંગે હૈદરાબાદના બશીરબાગ કાર્યાલયમાં એન્ફોર્સમેન્ટ ડિરેક્ટોરેટ (ED) સમક્ષ હાજર થયો હતો. અગાઉ આ જ કેસમાં પીઢ એક્ટર પ્રકાશ રાજની તાજેતરમાં પૂછપરછ થઈ હતી. ED સમક્ષ હાજરી પછી, પ્રકાશ રાજે મીડિયાને સંબોધન કર્યું અને પોતાની સંડોવણી સ્પષ્ટ કરી: 'આ 2016ના સટ્ટા એપ્સના મની લોન્ડરિંગનો કેસ હતો. નૈતિકતાના ધોરણે, મેં આમાં આગળ વધવાનું પસંદ ન કર્યું અને તેમને જાણ કરી કે મને કોઈ પૈસા મળ્યા નથી, કારણ કે હું આવી પ્રવૃત્તિઓથી નફો કમાવા માંગતો નહોતો. અધિકારીઓ તેમની ફરજ બજાવી રહ્યા છે અને એક નાગરિક તરીકે, મેં તેમને પૂરો સહયોગ આપ્યો છે. આમાં કોઈ બદલાની ભાવના કે રાજકીય કારણો સામેલ નથી.' વિજય દેવરકોંડાએ પોતાની વાત સ્પષ્ટ કરી ANIના અહેવાલ મુજબ, ED ઓફિસની બહાર વિજય દેવરકોંડાએ કહ્યું, 'આ 2016માં મેં કરેલા એક કામ વિશે હતું. નૈતિકતાના ધોરણે, મેં તે કામ ચાલુ ન રાખ્યું અને કોઈ પણ પ્રકારનું પેમેન્ટ લીધું નથી. મેં અધિકારીઓને બધી જ જરૂરી માહિતી આપી છે.' તેણે ભારપૂર્વક જણાવ્યું કે, તપાસ યોગ્ય રીતે થઈ હતી અને તેઓ અધિકારીઓના કામનું સન્માન કરે છે. તેણે ઉમેર્યું, 'એક નાગરિક તરીકે, હું માનું છું કે, જ્યારે કાયદો બોલાવે ત્યારે સહકાર આપવો જોઈએ.' સાથે જ તેમણે સ્પષ્ટતા કરી કે આ સમન્સમાં કોઈ રાજકીય હેતુ કે દબાણ સામેલ નહોતું. સમગ્ર મામલો શું છે? આ વર્ષની શરૂઆતમાં આ કેસ ચર્ચામાં આવ્યો, જ્યારે તેલંગાણા પોલીસે 25 જાણીતા સેલિબ્રિટી અને સોશિયલ મીડિયા ઇન્ફ્લુએન્સર સામે FIR દાખલ કરી. જેમાં પ્રખ્યાત કલાકારો રાણા દગ્ગુબાતી અને મંચુ લક્ષ્મીનો પણ સમાવેશ થાય છે. તેમના પર સોશિયલ મીડિયા પ્લેટફોર્મ્સ પર ગેરકાયદેસર સટ્ટાબાજી અને જુગારની એપ્સને પ્રોત્સાહન આપવાનો આરોપ મૂકવામાં આવ્યો હતો. આ કાયદેસરની કાર્યવાહી 19 માર્ચે હૈદરાબાદના મિયાપુર પોલીસ સ્ટેશનમાં બિઝનેસમેન પી.એમ. ફણીન્દ્ર શર્મા દ્વારા દાખલ કરવામાં આવેલી અરજી પરથી શરૂ થઈ હતી. શર્માની ફરિયાદમાં એક ચિંતાજનક વલણ સામે આવ્યું: સેલિબ્રિટીને જુગારના પ્લેટફોર્મ્સના પ્રમોશન માટે મોટા પ્રમાણમાં પૈસા મળતા હતા, જે 1867ના પબ્લિક ગેમ્બલિંગ એક્ટનું ઉલ્લંઘન છે. 32 વર્ષીય બિઝનેસમેને 16 માર્ચના રોજ એક સામુદાયિક ચર્ચા દરમિયાન આ મુદ્દાની ગંભીરતાનો ખ્યાલ આવ્યો, જ્યારે તેમને જાણ થઈ કે ઘણા યુવાનો સેલિબ્રિટીના કહેવાથી આ જુગારની એપ્સમાં પૈસા રોકી રહ્યા છે. આ તપાસ એ વાત પર ધ્યાન કેન્દ્રિત કરે છે કે, સોશિયલ મીડિયા ઇન્ફ્લુએન્સર દ્વારા પ્રમોટ કરવામાં આવેલા આ સટ્ટાબાજીના પ્લેટફોર્મ્સ કેવી રીતે યુઝર્સને તેમની બચતને જુગાર રમવા માટે પ્રોત્સાહિત કરે છે. આ કેસે કાયદાકીય રીતે અસ્પષ્ટ વિસ્તારોમાં કામ કરતી નાણાકીય સેવાઓ અને ઉત્પાદનોને પ્રોત્સાહન આપવા માટે જાહેર વ્યક્તિઓની જવાબદારી પર ધ્યાન દોર્યું છે. EDની તપાસ ચાલુ છે અને તે સેલિબ્રિટીઓ આ સટ્ટાબાજીની એપ્સને પ્રોત્સાહન આપવા માટે કયા હદ સુધી સંડોવાયેલા છે અને મની લોન્ડરિંગના કાયદાનો સંભવિત ભંગ થયો છે કે કેમ, તેની તપાસ કરી રહી છે. આ કેસને કારણે સેલિબ્રિટી પ્રમોશનની નૈતિક અસરો અને જાહેર વર્તન પર તેની અસર વિશે વ્યાપક ચર્ચાઓ શરૂ થઈ છે.
What's Your Reaction?
