સિદ્ધુ મૂસેવાલાની પ્રતિમા પર ગોળીબાર થતાં માતા લાલઘૂમ:ચરણ કૌરે કહ્યું, 'મારો દીકરો એક લહેર હતો, તેને ક્યારેય ભૂંસી નહીં શકાય'
દિવંગત પંજાબી સિંગર સિદ્ધુ મૂસેવાલાની યાદમાં બનેલી પ્રતિમા પર તાજેતરમાં થયેલા ગોળીબાર પર તેની માતા ચરણ કૌર લાલઘૂમ થઈ ગઈ છે. તેમણે સોશિયલ મીડિયા પ્લેટફોર્મ ઇન્સ્ટાગ્રામ પર એક પોસ્ટ શેર કરીને લખ્યું, 'અમારા દીકરાની સ્મૃતિ પર હુમલો, અમારી આત્મા પર ઘા છે.' ચરણ કૌરે લખ્યું, 'કેટલાક લોકો ન માત્ર સિદ્ધુના મૃત્યુનું અપમાન કરી રહ્યા છે, પરંતુ હવે તેમની યાદોને પણ ભૂંસી નાખવાનો પ્રયાસ કરી રહ્યા છે.' તેમણે કહ્યું કે, 'જે પ્રતિમા પર ગોળી ચલાવવામાં આવી હતી, તે માત્ર એક પથ્થર નહોતી, પરંતુ સિદ્ધુ પ્રત્યે લોકોના પ્રેમ અને આદરનું પ્રતીક હતી.' ચરણ કૌરે લખ્યું, 'મારો દીકરો લોકોના અધિકારોનો અવાજ હતો. હવે જ્યારે તે આપણી વચ્ચે નથી, ત્યારે તેને ચૂપ કરવાના પ્રયાસો થઈ રહ્યા છે. આ હુમલો અમારા આત્મા પર લાગેલા ઘા જેવો છે. પરંતુ હું કહેવા માંગુ છું કે તેને ભૂંસી શકાતો નથી. તે એક એવી લહેર હતી, જે હંમેશા જીવંત રહેશે.' તેમણે એમ પણ કહ્યું, 'અમારું મૌન અમારી હાર નથી. દરેક વ્યક્તિને એક દિવસ તેમના કર્મોની સજા ચોક્કસ મળશે.' પરિવારે ઘણી વખત કાયદો અને વ્યવસ્થા પર પ્રશ્નો ઉઠાવ્યા આ પહેલી વાર નથી, જ્યારે મૂસેવાલાના પરિવારે જાહેરમાં ન્યાય અને સન્માનની માંગણી કરી હોય. પરંતુ આ વખતે, પ્રતિમા પર ગોળીબાર કરવાથી ન માત્ર કાયદો અને વ્યવસ્થા પર સવાલો ઉભા થાય છે, પરંતુ તે મૂસેવાલાના વારસા અને યાદોનું પણ અપમાન છે.' હાલમાં આ ઘટના અંગે તપાસ ચાલી રહી છે, પરંતુ મૂસેવાલાના ચાહકો અને પરિવારમાં ગુસ્સો અને ઉદાસી સ્પષ્ટપણે જોઈ શકાય છે. આ ઘટના હરિયાણાના ડબવાલીમાં બની હતી આ ઘટના લગભગ ત્રણ દિવસ પહેલા હરિયાણાના ડબવાલી વિસ્તારમાં બની હતી, જ્યાં અજાણ્યા હુમલાખોરોએ પ્રખ્યાત પંજાબી ગાયક સિદ્ધુ મૂસેવાલાની પ્રતિમા પર ગોળીબાર કર્યો હતો. ગોળીબારથી પ્રતિમાને નુકસાન થયું હતું, જેના કારણે વિસ્તારમાં અફરાતફરી મચી ગઈ હતી. આ સ્મારક સ્થળ ડબવાલી નજીક આવેલું છે, જ્યાં સિદ્ધુ મૂસેવાલાની યાદમાં આ પ્રતિમા સ્થાપિત કરવામાં આવી હતી. હુમલાખોરો રાત્રે આવ્યા હતા અને ગોળીબાર કરીને ભાગી ગયા હતા. ઘટનાસ્થળેથી ગોળી પણ મળી આવી છે. પોલીસે કેસ નોંધીને તપાસ શરૂ કરી છે. આ ઘટનાથી મૂસેવાલાના ચાહકોમાં ભારે ગુસ્સો ફેલાયો છે. લોરેન્સ ગેંગે ગોળીબારની જવાબદારી લીધી હરિયાણાના ડબવાલીમાં સ્થાપિત પંજાબી ગાયક સિદ્ધુ મૂસેવાલાની પ્રતિમા પર ગોળીબારની જવાબદારી લોરેન્સ ગેંગે લીધી છે. ગેંગના સભ્યો ગોલ્ડી ઢિલ્લોં અને આરજુ બિશ્નોઈએ સોશિયલ મીડિયા પર પોસ્ટ કરીને ગોળીબાર કર્યાની કબૂલાત કરી હતી. પોસ્ટમાં, પ્રતિમા સ્થાપિત કરનારા લોકોને ચેતવણી આપવામાં આવી હતી કે, તેઓ મૂસેવાલાને શહીદનો દરજ્જો આપીને લોકોને ગેરમાર્ગે દોરી રહ્યા છે. તેમણે ખાસ કરીને દિગ્વિજય ચૌટાલા અને ગગન ખોકરીનું નામ લીધું અને કહ્યું કે, જો તેઓ પોતાના માર્ગો નહીં સુધારે તો તેના પરિણામો ભયંકર આવશે. પોલીસ હવે આ ધમકીભરી પોસ્ટની સત્યતાની તપાસ કરી રહી છે.
દિવંગત પંજાબી સિંગર સિદ્ધુ મૂસેવાલાની યાદમાં બનેલી પ્રતિમા પર તાજેતરમાં થયેલા ગોળીબાર પર તેની માતા ચરણ કૌર લાલઘૂમ થઈ ગઈ છે. તેમણે સોશિયલ મીડિયા પ્લેટફોર્મ ઇન્સ્ટાગ્રામ પર એક પોસ્ટ શેર કરીને લખ્યું, 'અમારા દીકરાની સ્મૃતિ પર હુમલો, અમારી આત્મા પર ઘા છે.' ચરણ કૌરે લખ્યું, 'કેટલાક લોકો ન માત્ર સિદ્ધુના મૃત્યુનું અપમાન કરી રહ્યા છે, પરંતુ હવે તેમની યાદોને પણ ભૂંસી નાખવાનો પ્રયાસ કરી રહ્યા છે.' તેમણે કહ્યું કે, 'જે પ્રતિમા પર ગોળી ચલાવવામાં આવી હતી, તે માત્ર એક પથ્થર નહોતી, પરંતુ સિદ્ધુ પ્રત્યે લોકોના પ્રેમ અને આદરનું પ્રતીક હતી.' ચરણ કૌરે લખ્યું, 'મારો દીકરો લોકોના અધિકારોનો અવાજ હતો. હવે જ્યારે તે આપણી વચ્ચે નથી, ત્યારે તેને ચૂપ કરવાના પ્રયાસો થઈ રહ્યા છે. આ હુમલો અમારા આત્મા પર લાગેલા ઘા જેવો છે. પરંતુ હું કહેવા માંગુ છું કે તેને ભૂંસી શકાતો નથી. તે એક એવી લહેર હતી, જે હંમેશા જીવંત રહેશે.' તેમણે એમ પણ કહ્યું, 'અમારું મૌન અમારી હાર નથી. દરેક વ્યક્તિને એક દિવસ તેમના કર્મોની સજા ચોક્કસ મળશે.' પરિવારે ઘણી વખત કાયદો અને વ્યવસ્થા પર પ્રશ્નો ઉઠાવ્યા આ પહેલી વાર નથી, જ્યારે મૂસેવાલાના પરિવારે જાહેરમાં ન્યાય અને સન્માનની માંગણી કરી હોય. પરંતુ આ વખતે, પ્રતિમા પર ગોળીબાર કરવાથી ન માત્ર કાયદો અને વ્યવસ્થા પર સવાલો ઉભા થાય છે, પરંતુ તે મૂસેવાલાના વારસા અને યાદોનું પણ અપમાન છે.' હાલમાં આ ઘટના અંગે તપાસ ચાલી રહી છે, પરંતુ મૂસેવાલાના ચાહકો અને પરિવારમાં ગુસ્સો અને ઉદાસી સ્પષ્ટપણે જોઈ શકાય છે. આ ઘટના હરિયાણાના ડબવાલીમાં બની હતી આ ઘટના લગભગ ત્રણ દિવસ પહેલા હરિયાણાના ડબવાલી વિસ્તારમાં બની હતી, જ્યાં અજાણ્યા હુમલાખોરોએ પ્રખ્યાત પંજાબી ગાયક સિદ્ધુ મૂસેવાલાની પ્રતિમા પર ગોળીબાર કર્યો હતો. ગોળીબારથી પ્રતિમાને નુકસાન થયું હતું, જેના કારણે વિસ્તારમાં અફરાતફરી મચી ગઈ હતી. આ સ્મારક સ્થળ ડબવાલી નજીક આવેલું છે, જ્યાં સિદ્ધુ મૂસેવાલાની યાદમાં આ પ્રતિમા સ્થાપિત કરવામાં આવી હતી. હુમલાખોરો રાત્રે આવ્યા હતા અને ગોળીબાર કરીને ભાગી ગયા હતા. ઘટનાસ્થળેથી ગોળી પણ મળી આવી છે. પોલીસે કેસ નોંધીને તપાસ શરૂ કરી છે. આ ઘટનાથી મૂસેવાલાના ચાહકોમાં ભારે ગુસ્સો ફેલાયો છે. લોરેન્સ ગેંગે ગોળીબારની જવાબદારી લીધી હરિયાણાના ડબવાલીમાં સ્થાપિત પંજાબી ગાયક સિદ્ધુ મૂસેવાલાની પ્રતિમા પર ગોળીબારની જવાબદારી લોરેન્સ ગેંગે લીધી છે. ગેંગના સભ્યો ગોલ્ડી ઢિલ્લોં અને આરજુ બિશ્નોઈએ સોશિયલ મીડિયા પર પોસ્ટ કરીને ગોળીબાર કર્યાની કબૂલાત કરી હતી. પોસ્ટમાં, પ્રતિમા સ્થાપિત કરનારા લોકોને ચેતવણી આપવામાં આવી હતી કે, તેઓ મૂસેવાલાને શહીદનો દરજ્જો આપીને લોકોને ગેરમાર્ગે દોરી રહ્યા છે. તેમણે ખાસ કરીને દિગ્વિજય ચૌટાલા અને ગગન ખોકરીનું નામ લીધું અને કહ્યું કે, જો તેઓ પોતાના માર્ગો નહીં સુધારે તો તેના પરિણામો ભયંકર આવશે. પોલીસ હવે આ ધમકીભરી પોસ્ટની સત્યતાની તપાસ કરી રહી છે.
What's Your Reaction?
