સ્માર્ટ મીટરની કામગીરી:પીથલપુર ગામમાં સ્માર્ટ મીટરની 100% કામગીરી

ભાવનગર | રાજ્યમાં વીજળી વિતરણ કરતી પી.જી.વી.સી.એલ. સહિતની ચારેય વીજ કંપનીઓની દ્વારા ભાવનગર સહિત વિવિધ પ્રદેશોમાં પોતાના ગ્રાહકોને ત્યાં નવા સ્માર્ટ મીટર લગાવવાની કામગીરી કરવામાં આવી રહી છે. ચાલુ વર્ષ-2025માં પી.જી.વી.સી.એલ.માં સમસ્ત સૌરાષ્ટ્રમાં ત્રીજા નંબર સાથે ભાવનગર સર્કલમાં નવા સ્માર્ટ મીટર લગાવવાની કામગીરી પુરજોશમાં ચાલી રહી છે. છેલ્લે ભાવનગર તાલુકાના મેલકડી ગામમાં 100% સ્માર્ટ મીટર બાદ એક સપ્તાહની અંદર આજે ઘોઘા તાલુકાના પીથલપુર ગામમાં સ્માર્ટ મીટરની 100% કામગીરી પૂર્ણ થઈ છે. ઘોઘા તાલુકાના પીથલપુર ગામમાં સ્માર્ટ મીટરની 100% કામગીરીથી PGVCL ભાવનગર સર્કલ નીચે 100 % સ્માર્ટ મીટરવાળા ચોથા ગામનો ઉમેરો થયો છે. ભાવનગર પી.જી.વી.સી.એલ. સર્કલ સહિત 10 જિલ્લાની 12 સર્કલ કચેરીઓ નીચેના કાર્યક્ષેત્રમાં આવતા ગ્રાહકોને ત્યાં નવા સ્માર્ટ મીટર લગાવવાની ચાલી રહી છે.