મોર્નિંગ ન્યૂઝ બ્રીફ:ઝારખંડના પૂર્વ મુખ્યમંત્રી શિબુ સોરેનનું નિધન, આજે અંતિમ સંસ્કાર; સોનું ફરી 1 લાખને પાર, ઓવલ ટેસ્ટમાં સિરાઝે 5 વિકેટ લઈને બાજી પલટી

નમસ્તે, ગઈકાલના મોટા સમાચાર ઝારખંડના ભૂતપૂર્વ સીએમ શિબુ સોરેનના અવસાનના હતા. તેમના અંતિમ સંસ્કાર આજે કરવામાં આવશે. બીજા સમાચાર રાહુલ ગાંધી વિશે રહ્યા, સુપ્રીમ કોર્ટે કોંગ્રેસ સાંસદને ચીને જમીન પર કબજો કર્યો હોવાના તેમના જૂના નિવેદન પર ઠપકો આપ્યો. માત્ર મોર્નિંગ ન્યૂઝ બ્રીફમાં… ⏰ આજની ઈવેન્ટ્સ, જેના પર રહેશે નજર 1. સુપ્રીમ કોર્ટ બાંકે બિહારી કોરિડોર અને ન્યાસના કેસની સુનાવણી કરશે. 2. સંસદના ચોમાસુ સત્રનો 12મો દિવસ. નેશનલ સ્પોર્ટ્સ ગવર્નન્સ બિલ, 2025 અને નેશનલ એન્ટી-ડોપિંગ એક્ટ (એમેન્ડમેન્ટ) બિલ રજૂ કરવામાં આવશે. ???? કાલના મોટા સમાચારો 1. ઝારખંડના પૂર્વ મુખ્યમંત્રી શિબુ સોરેનનું નિધન:રામગઢમાં આજે અંતિમ સંસ્કાર ઝારખંડના ભૂતપૂર્વ મુખ્યમંત્રી અને રાજ્યસભા સાંસદ શિબુ સોરેનનો પાર્થિવ દેહ દિલ્હીથી રાંચી લવાશે. તેમના અંતિમ સંસ્કાર આવતીકાલે એટલે કે મંગળવારે કરવામાં આવશે. કોંગ્રેસના પ્રદેશ પ્રમુખ ખડગે અને રાહુલ ગાંધી તેમાં હાજરી આપશે. આજે સાંજે શિબુ સોરેનનો પાર્થિવ દેહ એરપોર્ટથી સીધા મોરાબાદી નિવાસસ્થાને લાવવામાં આવશે. શિબુ સોરેનના અંતિમ સંસ્કાર મંગળવારે બપોરે 12 વાગ્યે રામગઢના નેમરા ગામમાં કરવામાં આવશે. નાના પુત્ર બસંત સોરેન ચિતાને અગ્નિદાહ આપશે. રાષ્ટ્રપતિ અને પીએમ મોદી ગંગારામ હોસ્પિટલ પહોંચ્યા અને શિબુ સોરેનને શ્રદ્ધાંજલિ આપી. કોંગ્રેસ પ્રમુખ ખડગે, મીસા ભારતી, મનોજ ઝા અને ઘણા આરજેડી નેતાઓએ પણ હોસ્પિટલમાં પરિવારને મળ્યા. દિશામ ગુરુજી તરીકે જાણીતા સોરેને આજે સવારે દિલ્હીની સર ગંગારામ હોસ્પિટલમાં અંતિમ શ્વાસ લીધા. તેઓ 81 વર્ષના હતા. વાંચો સંપૂર્ણ સમાચાર 2. સુપ્રીમ કોર્ટે રાહુલ ગાંધીને ખખડાવ્યા:કહ્યું- જો તમે સાચા ભારતીય હોત તો આવું ના કર્યું હોત, તમને કેવી રીતે ખબર કે ચીને ભારતની જમીન પર કબજો કર્યો છે? સુપ્રીમ કોર્ટે સોમવારે કોંગ્રેસના નેતા રાહુલ ગાંધીની ઝાટકણી કાઢી હતી. પૂછ્યું હતું કે તમને કેવી રીતે ખબર પડી કે ચીને 2000 ચોરસ કિલોમીટર ભારતીય જમીન પર કબજો કરી લીધો છે? વિશ્વસનીય માહિતી શું છે? જો તમે સાચા ભારતીય હોત તો તમે આ કહ્યું ન હોત. કોર્ટે કહ્યું, જ્યારે સરહદ પાર સંઘર્ષ ચાલી રહ્યો હોય ત્યારે શું તમે આ બધું કહી શકો છો? તમે સંસદમાં પ્રશ્નો કેમ પૂછી શકતા નથી? તમે (રાહુલ ગાંધી) વિપક્ષના નેતા છો, સંસદમાં બોલો છો, સોશિયલ મીડિયા પર નહીં. જોકે કોર્ટે રાહુલ ગાંધીને સેના પરની ટિપ્પણીના મામલે રાહત આપી છે. રાહુલ ગાંધીના સમન્સ સામેની અરજી પર ઉત્તરપ્રદેશ સરકાર અને ફરિયાદીને નોટિસ જાહેર કરવામાં આવી છે. વાંચો સંપૂર્ણ સમાચાર 3. પહેલગામ હુમલાના આતંકી પાકિસ્તાની હતા, લોકલ નહીં:6 પુરાવા PAKના રાષ્ટ્રીય ડેટાબેઝ સાથે મેચ થયા; આમાં ડોક્યુમેન્ટ-બાયોમેટ્રિક રેકોર્ડનો સમાવેશ 28 જુલાઈના રોજ ઓપરેશન મહાદેવમાં માર્યા ગયેલા ત્રણ આતંકવાદીઓ સ્થાનિક નહીં પણ પાકિસ્તાની હતા. સુરક્ષા એજન્સીના એક અધિકારીએ પુરાવાના આધારે સમાચાર એજન્સી PTIને આ માહિતી આપી હતી. અધિકારીએ જણાવ્યું હતું કે, આતંકવાદીઓ અને એન્કાઉન્ટર સ્થળ પાસેથી મળેલા પુરાવાઓથી સ્પષ્ટ થાય છે કે તેઓ પાકિસ્તાનના હતા. સુરક્ષા દળોએ એન્કાઉન્ટર સ્થળ પર આતંકવાદીઓ પાસેથી પાકિસ્તાની મતદાર ઓળખપત્ર સહિત પુરાવા મેળવ્યા હતા. સુરક્ષા એજન્સીએ આ પુરાવાઓને પાકિસ્તાનના રાષ્ટ્રીય ડેટાબેઝ અને નોંધણી સત્તામંડળ (NADRA) સાથે મેચ કર્યા હતા. વાંચો સંપૂર્ણ સમાચાર 4. ભારતની રોમાંચક જીત, સિરીઝ 2-2 થી ડ્રો:ઇંગ્લેન્ડે એક કલાકમાં 4 વિકેટ ગુમાવી; સિરાજે ચોથી ઇનિંગમાં 5 વિકેટ લઈને પાસું ફેરવી નાખ્યું ઓવલ ટેસ્ટના છેલ્લા દિવસે ભારતે 4 વિકેટ લઈને 6 રનથી મેચ જીતી લીધી. આ સાથે, ટીમે 5 મેચની એન્ડરસન-તેંડુલકર ટ્રોફી પણ 2-2 થી બરાબર કરી. ભારતીય પેસર મોહમ્મદ સિરાજે બીજી ઇનિંગમાં 5 વિકેટ લઈને મેચનું પાસું ફેરવી દીધું અને ટીમને રોમાંચક જીત અપાવી. ગુરુવારે ઓવલ ખાતે ઇંગ્લેન્ડે બોલિંગ પસંદ કરી. ભારતે પ્રથમ ઇનિંગમાં 224 અને ઇંગ્લેન્ડે 247 રન બનાવ્યા. 23 રનથી પાછળ રહ્યા બાદ, ભારતે બીજી ઇનિંગમાં 396 રન બનાવ્યા. ઇંગ્લેન્ડને 374 રનનો ટાર્ગેટ મળ્યો હતો. ટીમે 3 વિકેટ ગુમાવીને 300 રન બનાવ્યા હતા. ત્યારબાદ હેરી બ્રુક સદી ફટકારીને આઉટ થયો. અહીંથી, ભારતે 354 સુધી ઇંગ્લેન્ડની 8 વિકેટ લીધી. વાંચો સંપૂર્ણ સમાચાર 5. ટેસ્લાનું દેશમાં પહેલું સુપર ચાર્જિંગ સ્ટેશન શરૂ:14 મિનિટના ચાર્જિંગમાં કાર 300 કિમી ચાલશે ઇલોન મસ્કની કંપની ટેસ્લાએ ભારતમાં પોતાનું પહેલું સુપર ચાર્જિંગ સ્ટેશન શરૂ કર્યું છે. આ સ્ટેશન મુંબઈના બાંદ્રા કુર્લા કોમ્પ્લેક્સ (BKC)માં ખુલ્યું છે. આ સ્ટેશનમાં 4 V4 સુપરચાર્જર (DC ફાસ્ટ ચાર્જર) અને 4 ડેસ્ટિનેશન ચાર્જર (AC ચાર્જર) છે. સુપર ચાર્જર 250 kWની ઝડપે ચાર્જ થાય છે, તે ફક્ત 14 મિનિટના ચાર્જિંગમાં લગભગ 300 કિમીની રેન્જ આપશે. સુપર ચાર્જરની કિંમત 24 રૂપિયા પ્રતિ kWh છે અને ડેસ્ટિનેશન ચાર્જરની કિંમત 14 રૂપિયા પ્રતિ kWh છે. ટેસ્લા કાર માલિકો ટેસ્લાની એપ દ્વારા ચાર્જર ખાલી છે કે નહીં તે ચકાસી શકે છે. આ ઉપરાંત, તેઓ ચાર્જિંગ પ્રોગ્રેસ પણ જોઈ શકે છે અને ચુકવણી પણ કરી શકે છે. વાંચો સંપૂર્ણ સમાચાર 6. સૌરાષ્ટ્ર યુનિ.માં બે વર્ષ બાદ PhDની પ્રવેશ પરીક્ષા લેવાશે:NSUIએ ચાલુ કાર્યક્રમમાં હલ્લાબોલ કરતાં VC ઝૂક્યા સૌરાષ્ટ્ર યનિવર્સિટીમાં છેલ્લા બે વર્ષથી ન લેવાતી PhDની પ્રવેશ પરીક્ષા લેવાનો આજે કુલપતિએ નિર્ણય કર્યો છે. સૌરાષ્ટ્ર યુનિવર્સિટી અને શિક્ષા સંસ્કૃતિ ઉત્થાન ન્યાસના સહયોગથી આજે (4 ઓગસ્ટ) રાષ્ટ્રીય શિક્ષા નીતિ-2020 અંતર્ગત કાર્યક્રમ યોજાયો હતો. આ કાર્યક્રમનો NSUIના પ્રદેશ પ્રમુખની આગેવાનીમાં ઉગ્ર વિરોધ કરવામાં આવ્યો હતો. જેનું કારણ એ હતું કે, સૌરાષ્ટ્ર યુનિવર્સિટી દ્વારા છેલ્લા બે વર્ષથી પીએચ.ડી.ની પ્રવેશ માટેની પરીક્ષા લેવામાં આવતી નથી. જેમાં SNUIના ઉગ્ર વિરોધ બાદ કુલપતિ ઝૂક્યા હતા અને જે વિષયમાં NET અને GSET પાસ થયેલા વિદ્યાર્થીઓ નથી તે વિષયોમાં પીએચ.ડી.ની પ્રવેશ પરીક્ષા લેવા માટેનો નિર્ણય કરાયો છે. વાંચો સંપૂર્ણ સમાચાર 7. ગાંધીનગરમાં આંગણવાડીની 2500થી વધુ મહિલાની આક્રોશ રેલી: માગ નહિ સંતોષાય ત્યાં સુધી આંદોલન ચાલુ રહેશે રાજ્યભરની આંગણવાડીમાં કામ કરતી મહિલાઓના કેટલાક મહત્ત્વના પ્રશ્નો ઘણા સમયથી અનિર્ણીત છે અને એ વિષયો પર સરકારના જુદા-જુદા અધિકારીઓ સાથે ચર્ચાવિચારણા કરવા છતાં ઉકેલાયા નથી. એના પગલે આજે ગાંધીનગર ખાતે સમગ્ર ગુજરાતભરમાંથી આંગણવાડીમાં કામ કરતી 2500 મહિલાએ હાથમાં બેનરો લઇને પોતાના પ્રશ્નોને વાચા આપવા વિશાળ આક્રોશ રેલી કાઢી હતી. બાદમાં સેકટર 6 સત્યાગ્રહ છાવણી ખાતે સમાપન સભા યોજી હતી. એક પ્રતિનિધિમંડળ દ્વારા મહિલા બાળવિકાસમંત્રી ભાનુબેન બાબરિયા તેમજ સચિવને આવેદનપત્ર આપવામાં આવશે. વાંચો સંપૂર્ણ સમાચાર ???? આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : 2013 કેદારનાથ દુર્ઘટના: હાડપિંજરની શોધખોળ ફરી શરૂ:આ દુર્ઘટના બાદ એક હજારથી વધુ લોકો હજુ પણ ગુમ છે; 702 લોકોની આજ સુધી ઓળખ થઈ નથી. વાંચો સંપૂર્ણ સમાચાર 2.ઈન્ટરનેશનલ : રશિયન ઓઈલ ડેપો પર યુક્રેનનો ડ્રોન હુમલો:ભીષણ આગ લાગી; વિસ્ફોટનો વીડિયો બનાવનારી બે રશિયન યુવતીઓની ધરપકડ. વાંચો સંપૂર્ણ સમાચાર 3.નેશનલ : યુપીના 17 જિલ્લામાં પૂર, લખનઉ-અયોધ્યામાં સ્કૂલો બંધ:પ્રયાગરાજમાં રસ્તાઓ પર હોડીઓ દોડી; MPમાં અત્યાર સુધીમાં 275 લોકોના મોત. વાંચો સંપૂર્ણ સમાચાર 4.ઈન્ટરનેશનલ : રશિયામાં 600 વર્ષ પછી ક્રશેનિનિકોવ જ્વાળામુખી ફાટ્યો:6 કિમી ઊંચા રાખના ગોટેગોટા ઊડ્યા; અહીં આવ્યો હતો વિશ્વનો છઠ્ઠો સૌથી મોટો ભૂકંપ. વાંચો સંપૂર્ણ સમાચાર 5.બિઝનેસ : બોઇંગમાં ફાઇટર જેટ બનાવવાનું કામ ઠપ પડ્યું:3200 કર્મચારીઓ હડતાળ પર; 40% પગાર વધારાનો કરાર ફગાવી દીધો. વાંચો સંપૂર્ણ સમાચાર 6.સ્પોર્ટ્સ : PCBનો મોટો નિર્ણય, હવે પાકિસ્તાન WCLમાં નહીં રમે:ભારતના ન રમવા પર સંપૂર્ણ પ્રતિબંધ મૂક્યો; સાઉથ આફ્રિકા ચેમ્પિયન બન્યું હતું. વાંચો સંપૂર્ણ સમાચાર 7.ધર્મ તહેવાર : આજે પુત્રદા એકાદશી:ભગવાન શિવ અને શ્રીહરિની સાથે પૂજા કરવાનો શુભ સમય; આ વ્રત બાળકોના સુખી જીવનની કામના સાથે રાખવામાં આવે છે. વાંચો સંપૂર્ણ સમાચાર ????️ ચર્ચિત નિવેદન ???? ખબર હટકે ઓસ્ટ્રેલિયામાં જોવા મળ્યું સૌથી વજનદાર જીવડું ઓસ્ટ્રેલિયાના વૈજ્ઞાનિકોએ જંતુની એક નવી પ્રજાતિ શોધી કાઢી છે. તે દેશમાં જોવા મળતું સૌથી વજનદાર જંતુ હોઈ શકે છે. એક્રોફિલા અલ્ટા પ્રજાતિનું આ નાનું જંતુ ગોલ્ફ બોલ જેટલું વજન ધરાવે છે અને 15.75 ઇંચ લાંબું છે. ???? ફોટો, જે પોતે સમાચાર છે ???? ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. ભાસ્કર એક્સક્લૂસિવ : વિશ્વની સૌથી જૂનામાં જૂની માનવસભ્યતા કચ્છમાં હોવાના પુરાવા:4 સંસ્થામાં રિસર્ચ; 9 હજાર વર્ષ પૂર્વે શિકારીજૂથ વસતું, શંખમાંથી માંસ કાઢીને ખાતા 2. આજનું એક્સપ્લેનર:જય-વીરુએ વિસ્તાર પર કબજાની લડાઈ કેવી રીતે હારી; સિંહો પોતાનું રાજ કેવી રીતે કાયમ રાખે છે; જય-વીરુ બાદ આગામી 'રાજા' કોણ? 3. ‘ના આગળ જોયું ના પાછળ, બાઇક સાથે નદીમાં કૂદ્યા’:કેબિનેટ મંત્રી રહેતાં ભાગેડુ જાહેર થયા, દિશોમ ગુરુથી CM બનેલા શિબુ સોરેનની કહાની; કેવા હતા તેમના છેલ્લા દિવસો 4. શેખ હસીના તો ગયાં, પણ બાંગ્લાદેશને શું મળ્યું?:આંદોલનમાં સામેલ લોકોએ કહ્યુંઃ અત્યાચાર સમાપ્ત થઈ ગયો, પણ જે વિચાર્યું એ થયું નહીં, સરકારના મતે બધું સારું છે 5. મંડે મેગા સ્ટોરી: જ્યારે પાકિસ્તાનને બચાવવા અમેરિકાનું નૌકાદળ આવ્યું:ક્યારેક ઘઉં રોક્યા, ક્યારેક હથિયારો, હવે ટેરિફની ધમકી; ભારત કેમ ક્યારેય ઝૂકતું નથી 6. Editor's View: 'સાચા ભારતીય હોત તો આવું ના કરત':સુપ્રીમ કોર્ટે રાહુલ ગાંધીને ખખડાવ્યા, સેનાનાં અપમાન મુદ્દે ચાર વેધક સવાલ, જાણો વિવાદનો પુરો અધ્યાય ???? કરંટ અફેર્સ ⏳ આજના દિવસનો ઈતિહાસ ???? માર્કેટની સ્થિતિ ????️ મોસમનો મિજાજ રાશિફળ ​​​​​​​મંગળવારનું રાશિફળ:પૈસાની લેવડ-દેવડમાં વૃષભ જાતકોએ સાવધાની રાખવી, કર્ક જાતકો બિઝનેસમાં મોટું રોકાણ કરી શકે છે. (વાંચો સંપૂર્ણ રાશિફળ)