મોર્નિંગ ન્યૂઝ બ્રીફ:પહેલગામ હુમલાનો આતંકી ઠાર; અમિત શાહ બોલ્યા- કોંગ્રેસને બીજા દેશ પર ભરોસો, ગાંધીનગરમાં ભારતનું સૌથી મોટું ડિજિટલ અરેસ્ટ સ્કેમ

નમસ્તે, ગઈકાલના મોટા સમાચાર સંસદમાં ઓપરેશન સિંદૂર અને ભારત-પાકિસ્તાન યુદ્ધવિરામ પર ચર્ચા હતા. એક સમાચાર કાશ્મીરથી આવ્યા હતા, જ્યાં સુરક્ષા દળોએ પહેલગામ હુમલાના માસ્ટરમાઇન્ડ સહિત 3 આતંકવાદીઓને ઠાર માર્યા હતા. માત્ર મોર્નિંગ ન્યૂઝ બ્રીફમાં… ⏰ આજની ઈવેન્ટ્સ, જેના પર રહેશે નજર ???? કાલના મોટા સમાચારો 1. ઓપરેશન સિંદૂર પર ચર્ચા:જયશંકરે યુદ્ધવિરામ પર કહ્યું- મોદી અને ટ્રમ્પ વચ્ચે કોઈ વાત થઈ નથી સોમવારે બપોરે 2:05 વાગ્યાથી લોકસભામાં ઓપરેશન સિંદૂર પર ચર્ચા ચાલી રહી છે. આ દરમિયાન વિદેશ મંત્રી એસ જયશંકરે ટ્રમ્પના યુદ્ધવિરામના દાવા પર કહ્યું- 22 એપ્રિલથી 17 જૂન સુધી ટ્રમ્પ અને વડાપ્રધાન મોદી વચ્ચે કોઈ વાતચીત થઈ નથી. અમેરિકા સાથેની ચર્ચા દરમિયાન કોઈપણ તબક્કે વેપાર પર ચર્ચા થઈ નથી. વિપક્ષે આ અંગે હોબાળો શરૂ કર્યો. આ જોઈને અમિત શાહ વચ્ચે ઉભા થયા અને કહ્યું- ભારતના વિદેશ મંત્રી અહીં નિવેદન આપી રહ્યા છે, પરંતુ વિપક્ષ તેમના પર વિશ્વાસ કરતો નથી. તેઓ કોઈ બીજા દેશ પર વિશ્વાસ કરે છે. તેઓ વિદેશ મંત્રી પર કેમ વિશ્વાસ કરતા નથી. એટલા માટે તેઓ વિપક્ષમાં બેઠા છે. અને 20 વર્ષ સુધી ત્યાં જ રહેશે. વાંચો સંપૂર્ણ સમાચાર 2. પહેલગામ હુમલાનો માસ્ટરમાઇન્ડ હાશિમ મૂસા ઠાર:શ્રીનગરમાં સેનાના 'ઓપરેશન મહાદેવ'માં અન્ય 2 આતંકી માર્યા ગયા; સેટેલાઇટ ફોનના સિગ્નલથી લોકેશન મળ્યું જમ્મુ અને કાશ્મીરના શ્રીનગરના લિડવાસમાં સોમવારે સેનાએ 3 પાકિસ્તાની આતંકવાદીને ઠાર માર્યા હતા. ભારતીય સેનાના ચિનાર કોર્પ્સ દ્વારા આ માહિતી આપવામાં આવી હતી. સેનાએ જણાવ્યું હતું કે આ કાર્યવાહી 'ઓપરેશન મહાદેવ' હેઠળ કરવામાં આવી હતી. મીડિયા રિપોર્ટ્સ અનુસાર, માર્યા ગયેલા આતંકવાદીઓમાં પહેલગામ હુમલાનો મુખ્ય આરોપી હાશિમ મૂસા પણ સામેલ છે, જોકે સેનાએ આ વાતની સત્તાવાર પુષ્ટિ કરી નથી. વાંચો સંપૂર્ણ સમાચાર 3. વિપક્ષની મોટી ચાલ?:કોંગ્રેસે સંસદમાં વક્તાઓની યાદીમાંથી શશિ થરૂરનું નામ હટાવ્યું; સવાલોથી ઘેરાયેલા થરૂરે હસીને કહ્યું- મૌન વ્રત... મૌન વ્રત... સંસદમાં વક્તાઓની યાદીમાં તેમનું નામ ન આવવા પર કોંગ્રેસ સાંસદ શશિ થરૂરે પ્રતિક્રિયા આપી છે. મીડિયાના સવાલ પર તેમણે કહ્યું કે 'મૌન વ્રત, મૌન વ્રત' અને ગૃહની અંદર હસીને વાત આગળ વધી. હકીકતમાં, છેલ્લા કેટલાક દિવસોમાં પહેલગામ હુમલા અને ઓપરેશન સિંદૂર પર ચર્ચા કરવા માટે શાસક અને વિપક્ષ વચ્ચે સમજૂતી થઈ હતી. ત્યારબાદ એવી અટકળો ચાલી રહી હતી કે કોંગ્રેસ વતી બોલતા નેતાઓમાં શશિ થરૂરનું નામ સામેલ કરવામાં આવશે, પરંતુ કોંગ્રેસે આજે ગૃહમાં બોલતા છ નેતાઓની યાદી જાહેર કરી છે, જેમાં તેમનું નામ સામેલ નથી. વાંચો સંપૂર્ણ સમાચાર 4. કંબોડિયાએ થાઇલેન્ડ સાથે યુદ્ધવિરામની ઘોષણા કરી:અમેરિકા અને ચીને મધ્યસ્થી કરાવી; યુદ્ધમાં અત્યાર સુધી 30થી વધુ લોકોના મોત કંબોડિયાના વડાપ્રધાન હુન માનેટે થાઇલેન્ડ સાથે ચાલી રહેલા સરહદ વિવાદમાં યુદ્ધવિરામની ઘોષણા કરી છે. તેમણે કહ્યું કે બંને દેશો વચ્ચેના તણાવમાં ઘટાડો થવા માટે તાત્કાલિક લડાઈ બંધ કરવાની અપેક્ષા છે. આ યુદ્ધવિરામમાં ચીન અને અમેરિકાએ મધ્યસ્થી કરી છે. મલેશિયાની રાજધાની કુઆલાલંપુરમાં આજે બંને દેશો વચ્ચે શાંતિ મંત્રણા યોજાઈ હતી. થાઇલેન્ડના કાર્યકારી વડાપ્રધાન ફુમથમ વેચાયચાઈ અને કંબોડિયાના વડાપ્રધાન હુન માનેત આ બેઠકમાં ભાગ લેશે. મલેશિયા આ બેઠકની અધ્યક્ષતા કરશે. વાંચો સંપૂર્ણ સમાચાર 5. ઓગસ્ટમાં બેંકો 14 દિવસ બંધ રહેશે:5 રવિવાર અને 2 શનિવાર સિવાય, વિવિધ સ્થળોએ 7 દિવસ બેંકોમાં કામકાજ નહીં થાય આવતા મહિને, એટલે કે ઓગસ્ટમાં, વિવિધ રાજ્યો અને શહેરોમાં કુલ 14 દિવસ બેંકો બંધ રહેશે. 5 રવિવાર અને બીજા અને ચોથા શનિવાર ઉપરાંત, વિવિધ સ્થળોએ બેંકો 7 દિવસ બંધ રહેશે. આવી સ્થિતિમાં, જો તમારી પાસે આવતા મહિને બેંક સંબંધિત કોઈ મહત્વપૂર્ણ કામ હોય, તો તમે આ રજાઓ સિવાય બેંકમાં જઈ શકો છો. વાંચો સંપૂર્ણ સમાચાર 6. ભારતનું સૌથી મોટું ડિજિટલ અરેસ્ટ સ્કેમ ગાંધીનગરમાં:મહિલા ડોક્ટરનું 3 મહિના 'માનસિક અપહરણ' કરી 19.24 કરોડ પડાવ્યા ગાંધીનગરમાં રહેતાં ડોક્ટર સિનિયર સિટિઝન મહિલાને ઇન્ટરનેશનલ ગેંગ અને ભારતની ગેંગે ભેગા મળીને 3 મહિના સુધી ડિજિટલ અરેસ્ટ રાખી હતી. આ ડિજિટલ અરેસ્ટ દરમિયાન તેને અલગ અલગ રીતે ડરાવવામાં આવી હતી, જેમાં તેને FEMA અને PMLA એક્ટ હેઠળ ભારતમાં ગુનો નોંધાશે, એવી ધમકીભર્યા લેટર પણ મોકલવામાં આવ્યા હતા. આ રીતે મહિલા તબીબને 3 મહિના ડિજિટલ અરેસ્ટ બનાવી રાખીને 19.24 કરોડ રૂપિયા પડાવ્યા હતા. આ પ્રકરણમાં હરકતમાં આવેલી સાયબર ક્રાઈમ પોલીસે સુરતના એક વ્યક્તિની ધરપકડ કરી છે. વાંચો સંપૂર્ણ સમાચાર 7. શ્રાવણના પ્રથમ સોમવારે શિવ મંદિરોમાં ભક્તોનું ઘોડાપૂર: સોમનાથ મહાદેવનો અલૌકિક બિલ્વપત્ર શૃંગાર શ્રાવણ માસના પ્રથમ સોમવારે શિવ મંદિરોમાં ભક્તોનો અદભુત પ્રવાહ જોવા મળ્યો હતો. ગુજરાતના મુખ્ય શિવ મંદિરો જેવા કે, સોમનાથ મહાદેવ (સોમનાથ), નાગેશ્વર જ્યોતિર્લિંગ (દ્વારકા), ઘેલા સોમનાથ (જસદણ, રાજકોટ), નિષ્કલંક મહાદેવ (કોળીયાક, ભાવનગર), જડેશ્વર મહાદેવ (મોરબી), સ્તંભેશ્વર મહાદેવ (કવિ, કંબોઈ) અને ભવનાથ મહાદેવ (જુનાગઢ)ના મંદિરો 'હર હર મહાદેવ'ના નાદથી ગુંજી ઉઠ્યા હતા. વાંચો સંપૂર્ણ સમાચાર ???? આજનું કાર્ટૂન ⚡ કેટલાક મહત્વના સમાચારો હેડલાઈનમાં 1.નેશનલ : સુપ્રીમ કોર્ટમાં જસ્ટિસ વર્માની અરજી પર સુનવણી:કોર્ટે પૂછ્યું- તમે તપાસ સમિતિ સમક્ષ કેમ હાજર થયા, નિર્ણય તમારા પક્ષમાં કરાવવાનો પ્રયાસ કર્યો. વાંચો સંપૂર્ણ સમાચાર 2.ઈન્ટરનેશનલ : ગાઝામાં ભૂખમરા પર પહેલીવાર ટ્રમ્પ બોલ્યા:કહ્યું- તસવીર ખૂબ જ ભયાનક, ઇઝરાયલે હવે યુદ્ધ પર નિર્ણય લેવો પડશે; નેતન્યાહૂએ કહ્યું- કોઈ ભૂખમરો નથી. વાંચો સંપૂર્ણ સમાચાર 3.નેશનલ : રાજસ્થાનમાં વરસાદનું રેડ એલર્ટ:8 જિલ્લામાં શાળાઓ બંધ; પટના જંકશન પર ટ્રેક પાણીમાં ડૂબ્યો, ટ્રેન ફસાઈ ગઈ; ઓડિશાના ગામડાઓ પાણીમાં ડૂબ્યા. વાંચો સંપૂર્ણ સમાચાર 4.ઈન્ટરનેશનલ : અમેરિકા યુરોપિયન યુનિયન પર 15% ટેરિફ લાદશે:શરૂઆતી ટ્રેડ ડિલ પૂરી; EU અમેરિકા પાસેથી 64 લાખ કરોડ રૂપિયાની એનર્જી ખરીદશે. વાંચો સંપૂર્ણ સમાચાર 5.બિઝનેસ : ક્રેડિટ કાર્ડ બિલ નથી ચૂકવી શકતા ભારતીયો:બાકી રકમ 44% વધીને ₹33,886 કરોડ થઈ; એક વર્ષ પહેલા આ ₹23,475 કરોડ હતી. વાંચો સંપૂર્ણ સમાચાર 6.સ્પોર્ટ્સ : 19 વર્ષીય દિવ્યા દેશમુખે ચેસ મહિલા વર્લ્ડ કપ જીત્યો:વિશ્વ ચેમ્પિયન બનનારી પ્રથમ ભારતીય મહિલા; ફાઇનલમાં ભારતની જ કોનેરુ હમ્પીને હરાવી. વાંચો સંપૂર્ણ સમાચાર 7.હાઈ પ્રોફાઈલ કેસ : એક્ટ્રેસ રૂચિ ગુર્જર સામે FIR નોંધાઈ:પ્રીમિયરમાં ડિરેક્ટરને ચંપલથી માર્યું અને ગાળાગાળી કરી હતી; ₹24 લાખની છેતરપિંડી સાથે સંબંધિત કેસ. વાંચો સંપૂર્ણ સમાચાર ????️ ચર્ચિત નિવેદન ???? ખબર હટકે સતના, MPમાં છે દેશનો સૌથી ગરીબ વ્યક્તિ મધ્યપ્રદેશના સતનામાં દેશના સૌથી ગરીબ વ્યક્તિની ઓળખ કરવામાં આવી છે. ઉચેહરા તાલુકાના અમદરી ગામના સંદીપ કુમાર નામદેવની વાર્ષિક આવક શૂન્ય છે. તહસીલદારે આ માટે પ્રમાણપત્ર પણ જારી કર્યું હતું. જોકે, વાયરલ થયા પછી, તે રદ કરવામાં આવ્યું હતું અને 40,000 રૂપિયાની આવક ધરાવતું પ્રમાણપત્ર જારી કરવામાં આવ્યું હતું. સતના જિલ્લામાં આ બીજો કિસ્સો છે. 22 જુલાઈના રોજ, જાણવા મળ્યું કે એક વ્યક્તિની વાર્ષિક આવક 3 રૂપિયા છે. ???? ફોટો, જે પોતે સમાચાર છે ???? ભાસ્કરની એક્સક્લૂસિવ સ્ટોરીઝ, જે સૌથી વધારે વંચાઈ 1. Editor's View: ચીને મુનીરનો ક્લાસ લીધો:પાકિસ્તાનના હરખ પદુડા આર્મી ચીફનો ચાલુ મીટિંગમાં કાન આમળ્યો, જાણો ડ્રેગનની ચિંતા અને મુનીરના મનની વાત 2. ભાસ્કર એક્સક્લૂસિવ ભારતનું સૌથી મોટું ડિજિટલ અરેસ્ટ સ્કેમ ગાંધીનગરમાં:મહિલા ડોક્ટરનું 3 મહિના 'માનસિક અપહરણ' કરી 19.24 કરોડ પડાવ્યા; ફ્રોડનું કનેક્શન કંબોડિયા નીકળ્યું 3. આવતા મહિને આફ્રિકાથી 8થી 10 નર-માદા ચિત્તા કચ્છ લાવવાની તૈયારી:બન્નીના ઘાંસિયા મેદાનમાં 600 હેક્ટરનું નવું રહેઠાણ, શિકાર માટે ચિત્તલ-કાળિયાર ઉછેર્યાં 4. લંડનમાં મોદીને ચા આપનારો સરદારનો વંશજ નીકળ્યો:ચા પિવડાવતી વખતે ગુજ્જુ બોય સાથે શું વાત કરી? ‘મોદીજીનો હાથ એવો સોફ્ટ હતો કે કોઈ માણસનો હોઈ જ ન શકે’ 5. મંડે મેગા સ્ટોરી: એક સાપમાં હાથીને મારવાની તાકાત:નાગિન સાથે સંબંધ બનાવવા માટે બે નર સાપ વચ્ચે થાય છે કુસ્તી; માણસોનો સાપ સાથે સંબંધ 70 હજાર વર્ષ જૂનો 6. ગ્રાઉન્ડ રિપોર્ટ બિહારના પ્રવાસી મજૂરો પરેશાન, શું આપી શકશે વોટ?:ન વોટર લિસ્ટ રિવિઝનની ખબર, ન ફોર્મ ભર્યું; હવે વોટ કેન્સલ થવાનો ડર 7. આજનું એક્સપ્લેનર:પહેલગામના આતંકીઓ ક્યાં, ઓપરેશન સિંદૂરમાં કેટલાં રાફેલ તોડ્યાં, શું ટ્રમ્પના દબાણમાં સીઝફાયર?; આજે સંસદમાં જવાબ આપશે મોદી સરકાર 8. અમદાવાદમાં હવે 'ટુકડે ટુકડે ગેંગ':ગેંગ લીડરે કહ્યું, હું તો 50થી લઈ 500ના હપતા ઊઘરાવું છું; એક સમયે લતીફની ગેંગમાં 103 ગુંડા હતા ???? કરંટ અફેર્સ ⏳ આજના દિવસનો ઈતિહાસ ???? માર્કેટની સ્થિતિ ????️ મોસમનો મિજાજ મંગળવારનું રાશિફળ: વૃષભ, કન્યા અને તુલા જાતકો માટે ગ્રહોની સ્થિતિ મંગળમય રહેશે, મિથુન રાશિના લોકોને ઇચ્છિત પરિણામ નહીં મળે.. વાંચો સંપૂર્ણ રાશિફળ